இளம்பிறையின் கவிதைகள்

படிக்காதவர்கள்
ஆட்டுக்குட்டியை மடியில் போட்டு
ஈத்திக்கொண்டிருக்கும் அம்மாவும்
பசுவிற்கு உண்ணி பிடுங்கி நிற்கும்
அப்பாவும் படித்ததில்லை
''உயிர்களிடத்தில் அன்பு வேணும்''

பெரிதும்
கட்சிகளின் ஏராளப்பிரிவுகளால்
தாராளமயமாக்கப்பட்ட
நன்மைகள் பெரிதும் நாய்களுக்கே
வீதிகள் தோறும் கால்தூக்க . . .
ஒன்றுக்கு பத்தாக கொடிமரங்கள்!
கூட்டாஞ்சோறு
சோறு பொங்கி குலவை போட்டு
கும்மியடித்து ஒன்றுகூடி
உண்டுமகிழ்ந்தனர்
காணும்பொங்கலில்
குடியானவப்பெண்களும்
சேரிப்பெண்களும
அவரவர் தெருக்களில்.