மேடை

படிக்கிறேன் நான்
என் பாடத்தை
படிக்கிறாய் நீ
உன் பாடத்தை
படிக்கிறோம் நாம்
நம் பாடத்தை-மறவாதே!

திரைஎழும்வரை ஒப்பனைகள்
திரை எழும் வரை ஒத்திகைகள்
திரை எழும் வரை சிந்தனைகள்-சிதறாதே!

நடிக்கிறேன் நான் என் வேடத்தை
நடிக்கிறாய் நீ உன் வேடத்தை
நடிக்கிறோம் நாம் நம் வேடத்தை-பதறாதே!

திரைவிழும் வரை நான் நானில்லை
திரைவிழும் வரை நீ நீயில்லை
திரைவிழும் வரை நாம் நாமில்லை-குழம்பாதே!

நன்றி ; லெமன் (கலைமகள்-இதழ் ஜூன் 2008)