அழகி

அழகால் உன்னை,
ஏளனம் செய்தேன்.
என் அழகால் உன்னை,
எட்டி உதைத்தேன்.

அழகால் உன்னை,
அழவைத்துப்பார்த்தேன்.
ஒதுங்கி விடாமல்,
ஓடித்தான் வந்தாய்.

பெருமிதம் கொண்டு,
ஆட்டிப்படைத்தேன்.
காலடியில் இடமிட்டு,
எக்காளித்தேன்.

காலம் உன்னை
விலக்கி விட்டது.
என்னிடம் இருந்து
தனித்து விட்டது.

அழகைப்புகழ,
பல பேர் இன்று.
அஹங்காரம் கொள்ள,
ஆசை தான் இல்லை.

அழகை உந்தன்
விழியில் வாங்கி
அழுகையை எனக்கு
விட்டுப்போனாயோ?

என் அழகு அழுகிறது..
நீ ரசிக்க வில்லை என்று.
வந்து விடேன்....!

அழகை இன்று,
அகத்திலும் ஏற்றிக்,
காத்திருக்கிறேன் உனக்காக..

காலன் என்னை வென்றால்,
அடுத்த பிறவியிலாவது..
வந்து விடேன்....

...என் அழகை ரசிக்க....!

-----------------------------------
கவிதையாக்கம்; ஷக்திப்ரபா
courtesy:http://www.maraththadi.com/article.asp?id=288