கொத்தும் கிளி இங்கிருக்க

பாட்டுக்குப் பாட்டெடுத்து நான் பாடுவதைக் கேட்டாயோ துள்ளி வரும் வெள்ளலையே நீ போய் தூது சொல்ல மாட்டாயோ
கொத்தும் கிளி இங்கிருக்க கோவைப் பழம் அங்கிருக்க தத்தி வரும் வெள்ளலையே நீ போய் தூது சொல்ல மாட்டாயோ தத்தி வரும் வெள்ளலையே நீ போய் தூது சொல்ல மாட்டாயோ இளம் வாழைத் தண்டாக எலுமிச்சம் கொடியாக ஈர வலைக் கைப் பிடிச்சு இரவெல்லாம் கண் முழிச்சு இல்லாத ஆசையிலே என் மனச ஆடவிட்டான் ஆடவிட்ட மச்சான ஓடம் விட்டு போனானே ஒடம் விட்டு போனானே ஓடம் விட்டு போனானே ஊரெங்கும் தூங்கையிலே நான் உள்மூச்சு வாங்கயிலே ஓசையிடும் பூங்காற்றே நீதான் ஓடிப் போய்ச் சொல்லிவிடு
மின்னலாய் வகிடெடுத்து மேகமாய்த் தலைமுடித்து பின்னலாய் ஜடை போட்டு என் மனச எடை போட்டு மீன் புடிக்க வந்தவள நான் புடிக்கப் போறேனே மை எழுதும் கண்ணாலே பொய் எழுதி போனாளே ஆசைக்கு ஆசை வச்சேன் நான் அப்புறந்தான் காதலிச்சேன் ஹோய் ஓசையிடும் பூங்காற்றே நீதான் ஓடிப்போய் சொல்லிவிடு
வாழைப்பூ திரியெடுத்து வெண்ணையிலே நெய்யெடுத்து ஏழை மகக் குடிசையிலே ஏத்தி வச்சான் ஒரு விளக்கு ஏத்தி வச்ச கைகளிலே என் மனச நான் கொடுத்தேன் நெஞ்சு மட்டும் அங்கிருக்க நான் மட்டும் இங்கிருக்க நான் மட்டும் இங்கிருக்க...நான் மட்டும் இங்கிருக்க
தாமரை அவளிருக்க இங்கே சூரியன் நானிருக்க சாட்சி சொல்லும் சந்திரனே நீதான் ஓடிப்போய் தூது சொல்லு பாட்டுக்குப் பாட்டெடுத்து நான் பாடுவதைக் கேட்டாயோ சாட்சி சொல்லும் சந்திரனே நீ தூது சொல்ல மாட்டாயோ ---------------------------------------------------------------------------­-------------------------------------------------------- படம்; படகோட்டி (கேட்டு ரஸித்த பாடல்)