அமுதும் தேனும் எதற்கு

அமுதும் தேனும் எதற்கு - நீ
அருகினில் இருக்கையிலே - எனக்கு (அமுதும்)

அருவி தரும் குளிர்நீர் அன்பே இனிமேல்
அதுவும் சுடுநீராகும் நமக்கு (அமுதும்)

நிலவின் நிழலோ உன் வதனம் - புது
நிலைக்கண்ணாடியோ மின்னும் கன்னம்
மலையில் பிறவா மாமணியே - நான்
கொய்யும் கொய்யாக் கனியே - வான் (அமுதும்)

விழியாலே காதல் கதைபேசு - மலர்க்
கையாலே சந்தனம் பூசு - தமிழ்
மொழி போல சுவையூட்டும் செந்தேனே
உடல் நான், உயிர் நீ தானே - வான் (அமுதும்)