கிருஷ்ணர் கோவில் ஹம்பி

சொந்த மண்ணில் சிங்கமாக. . .

நன்றி; குங்குமம்
படத்தைப் பெரிதாக்கி பார்க்க அதன் மிது கிளிக் செய்யவும்

வாசலில் ஸ்டிக்கர் கோலம் ஒட்டலாமா?

வாசலில் ஸ்டிக்கர் கோலம் ஒட்டலாமா? - பதில் சொல்கிறார் சேஷாத்ரிநாத சாஸ்திரிகள் சக்தி விகடன் மே 09,2009, _______________________________________

திருவிளக்கில் மீதமாகும் எண்ணெயை, மீண்டும் விளக்கேற்ற பயன்படுத்தலாமா? - பி.இந்திராணி, சென்னை. இயற்கை அளித்த பொருட்களை வீணாக்குவது தவறு. இவற்றை உரிய முறையில் பயன்படுத்துவதே சரி! எண்ணெய்க்கு பர்யுஷாதம் (பயன்படுத்திய மாசு) கிடையாது. எனவே, அதை திரும்பவும் பயன்படுத்தலாம். முதல் நாள் எண்ணெயில் பொரித்த வளுவல்களை மறுநாள் பயன்படுத்துவது உண்டு. இழந்திருந்தால் மாற்றி விட வேண்டும். அபார்ட்மென்ட்களில் வசிக்கும் சிலர், வீட்டு வாசலில் ஸ்டிக்கர் கோலம் ஒட்டியுள்ளனரே, இது சரியா? - மீனா ரெங்கநாதன், சென்னை-33. பழைய ஒண்டிக்குடித்தனமே தற்போது அபார்ட்மென்ட் கலாசாரமாகியிருக்கிறது. ஒண்டிக்குடித்தனத்தில் மெய்ன்டனன்ஸ் பணம் கட்ட வேண்டாம். அபார்ட்மென்ட் வாசிகளை பொறுத்த வரையில் சுவர்கள் கூட அவர்களுக்கு சொந்தம் கிடையாது. அறைகளில் இருக்கும் இடைவெளி (ஆகாசம்) மட்டுமே சொந்தம். பண்பு, பழைமை, பெருமை ஆகியவற்றின் அடையாளமான தனி வீட்டில் வசிக்கும் வாய்ப்பை இழந்த பிறகு, வாசலில் உள்ள கோலத்தை மட்டும் பிடித்து கொண்டிருப்பதில் அர்த்தம் இல்லை. தாராளமாக ஸ்டிக்கர் கோலத்தை பயன்படுத்தலாம். நெற்றிக்குஸ்டிக்கர் பொட்டை பயன்படுத்தும் நமக்கு, ஸ்டிக்கர் கோலத்தை பயன்படுத்துவதில் மன நெருடல் ஏன்? தேடையே இல்லை. இதெல்லாம் சாஸ்திரத்துக்கு உட்படாத விஷயம் தான். எனினும் தன்னிச்சையாக செயல்படலாம். நோய்களும், துன்பங்களும் விலக மந்திரம் ஜபிப்பதும், ஹோமங்கள் செய்வதும் வழக்கம். ஆனால், இவற்றை கடைப்பிடிக்க இயலாதவர்கள் என்ன செய்வது? - ஜி.ஜெயராமன், கூந்தலூர் முற்பிறவியின் கர்மவினைகள், இந்த பிறவியில் நோயாக மாறி துயரம் தர வாய்ப்பு உண்டு. இந்த துன்பம் நீங்குவதற்கு மருந்து, கொடை, ஜபம், ஹோமம் மற்றும் அர்ச்சனை ஆகிய உதவும் என்கிறது கர்ம விபாகம் எனும் நூல். மருந்துக்கு கட்டுப்படாத சில பிணிகளுக்கு முன்ஜன்ம வினைகளே காரணம் என்கிறது ஆயுர்வேதம் (பாபம் கர்மசகுர்வதாம்...) முற்பிறவி வினைகள், நோயாக உடலில் பற்றி கொள்ளும் என்கிறது வேதம் (அங்கே அங்கே வை புருஷஸ்ய..) வழிபாடுகள் செய்ய முடியாத அளவுக்கு உடலில் நலிவுற்று இருந்தால், இறைவன் நாமத்தை மற்றொருவர் மந்திரம் சொல்லலாம். அதே நேரம்... பொருளாதார சூழலை காரணம் காட்டி வழிபாடுகளை தவிர்ப்பது சரியல்ல. எண்ணெய் தேய்த்து குளிக்கும் நாளில், அகத்தி கீரை சாப்பிடக்கூடாது என்றும், சமைப்பதற்கு முதல் நாளே இந்த கீரையை வாங்கி வைக்க கூடாது என்றும் கூறுகிறார் என் பாட்டி. இது குறித்து சாஸ்திரம் என்ன கூறுகிறது? - பி.இந்திராணி, சென்னை. செவ்வாய் மற்றும் வெள்ளிக்கிழமைகளில் பெண்களும் புதன் மற்றும் சனிக்கிழமைகளில் ஆண்களும் எண்ணெய் தேய்த்து குளிப்பார்கள். இந்த நாட்களில் உடல் உறுப்புகள் சற்று அசதியை சந்திக்கும். அப்போது, அகத்தி கீரை முதலானவை உடல் நலனுக்கு ஏற்புடையதாக இருக்காது. எனவே இது போன்ற நாட்களில் அகத்தி கீரையை தவிர்க்க சொல்கிறது ஆயுர்வேதம். தவிர... கிழமைகள், கிரகங்களின் பெயரில் அமைந்திருக்கின்றன. அந்தந்த கிழமைகளில் அந்தந்த கிரகங்களின் தன்மை புலப்படும். ஆராயாமல் எதிர்ப்பது செவ்வாயின் இயல்பு. உறங்கி கிடக்கும் ஆசையை தூண்டுவது வெள்ளியின் இயல்பு. சுணக்கமுறுவது சனியின் தன்மை. உணவுகளின் மூலம் இவற்றின் தன்மைகள் மேலும் தூண்டப்படாலம். இதை தவிர்க்க குறிப்பிட்ட நாட்களில் கீரையை தவிர்க்கலாம். இது ஜோதிடத்தின் அறிவுரை. உங்கள் பாட்டி சொல்வதிலும் பொருள் இருக்கிறது. என் கணவர் இறந்து விட்டார். குழந்தை இல்லாததால், என் சகோதரரின் மகனே இறுதி காரியங்கள் செய்ததுடன், திதியும்� காடுத்து வருகிறான். ஒரு வேளை... திதி கொடுப்பதை அவன் நிறுத்தி விட்டால், நான் என்ன செய்வது? (என் கணவர் உயிருடன் இருக்குமு“போதேகயை சென்று ஆத்ம பிண்டம் போட்டுள்ளார்) -எம்.சரோஜா, திருப்பாலை. உங்கள் சகோதரரின் மகன் திதி கொடுப்பதை நிறுத்திவிட்டால்,தாங்களே திதி கொடுக்கலாம். இறுதி சடங்கை சகோதரரின் மகன் செய்திருந்தாலும், வருடம் தோறும் கணவரின் நினைவு நாளின் நீங்கள் திதி கொடுப்பது சிறப்பு. அவர் தொடருவானா? நிறுத்தி விடுவானா என்ற சிந்தனை தேவையற்றது. அதேபோல், உங்கள் கணவர் கயையில் தனக்காக ஆத்ம பிண்டம் போட்டு கொண்டு விட்டார் என்பதை ஆராய்வதும் வீண். திதி கொடுப்பதுடன் அன்று அன்னதானமும் செய்யுங்கள். குழந்தை இல்லாத நிலையில் தாங்கள் உங்கள் கணவரது நினைவு நாளின் அன்னதானம் செய்வது சிறப்பு. உறவினர்கள் இறந்து விட்டால் ஒரு வருடத்துக்கு மலைக்கோயில் மற்றும் கொடிமரம் உள்ள கோயிலுக்கு செல்லக்கூடாது. குலத்தெய்வம் கோயிலுக்கு செல்லலாம் என்கிறார்கள். ஏன் இப்படி? ஈமச்சடங்கில் நேரடித் தொடர்பு கொண்டவர்கள் ஒரு வருடம் வரை கோயிலுக்கு செல்வதில்லை. இறந்த பெற்றோர்களின் நினைவு மற்ற அலுவல்களால் தடைப்பட்டு விடும்என்பதால் இதனை தவிர்த்தனர். பெற்றோர்அல்லாத உறவுகள் இறந்தால், கோயிலுக்கு செல்ல தடையேதும் இல்லை. வழிபடுவதற்காக கோயிலுக்கு செல்லலாம். அதே நேரம் நேர்த்திக்கடன் மற்றும் சிறப்பு பூஜை ஆகியவற்றுக்காக கோயிலுக்கு செல்வது சரியில்லை. �க்ஷத்ராடம் மற்றும் விசேஷ பூஜைகளை ஓராண்டு நிறைவுற்றதும் செய்யலாம். துக்கத்துடன் செய்ய வேண்டிய கட்டாயமில்லையே...? இறந்தவரது துக்கம் ஒரு வருட காலம் இருப்பதால் அந்த வருஷத்தில் நீங்கள் கோயிலுக்கு சென்றதாகவே எடுத்துக்கொள்கிறது சாஸ்திரம். அரசியல் தலைவர்கள், மறைந்ததும் ஏறு நாட்கள் வரை அலுவல்களை தள்ளி ��படுகிறோம். இறந்த நாளுக்கு விடுமுறை அளிப்பதும் உண்டு. ஆக எந்த சம்பந்தமும் இல்லாதவர்கள் இறந்து போனதற்காக துக்கம் கொண்டாடுகிற போது, நம் பிறப்புக்கு ஆதாரமான பெற்றோர் இறந்து விட. ஒரு வருடத்துக்கு துக்கம் மேற்கொள்வதில் தவறில்லையே? பெற்றோரின் நினைவில் மூழ்கிய மனம், பிற விஷயங்களில் அக்கறையுடன் ஈடுபடாது. ஆகவே கோயில் ஆராதனையைஅந்த ஆண்டு தவிர்ப்பதே மரபு. இறந்தவரின் இறுதிச்சடங்கினை ஓராண்டுபூர்த்தியாகும் நாளில் தான் செய்ய வேண்டும். ஆண்டின் முடிவில் வருகிற சிராத்தம் தான் இறுதிசடங்கு (ஆனால் 12ம் நாளிலேயே பலகாரங்களை வைத்து இறுதிச்சடங்கு செய்வதற்கு பரிந்துரைத்தது தர்மசாஸ்திரம்) எனவே ஓராண்டு வரை தீ�க்ஷ வேண்டும் என்பர். அம்மன் கோயில்களில் பெண்கள் சிலர் திடீரென சாமி வந்து ஆடுகின்றனரே ஏன்? - தி.க.வேல்முருகன், திட்டக்குடி. பாட்டு, அத்துடன் இணைந்த பக்கவாத்திய ஒலி ஆகியவை காதில் விழும்போது மனம் சற்று நிலை தடுமாறும். ரயில்வண்டி எழுப்பும் ஒலி, அருகில் இருக்கும் பொருட்களில் அதிர்வை ஏற்படுத்துவது போல, வாத்தியங்களின் ஓசை மனதை பாதிப்பது உண்டு. இதை மனதின் பலவீனமாக கருதுகிறது ஆயுர்வேதம். மனோதிடம் இருப்பவரிடம் எந்த பாதிப்பும் இருக்காது. அன்னபூரணி வைத்து வழிபடுவதற்கு பயன்படுத்திய அரிசியை என்ன செய்வது? -எஸ்.சுந்தர், திருநெல்வேலி. அன்னபூரணி வழிப்பாட்டில் தினம் தினம் புது அரிசியை பயன்படுத்தவேண்டும். முதல் நாள் உபயோகித்த அரிசியை மறுநாள் உணவுக்கு பயன்படுத்தலாம். அன்னபூரணியைகுடியிருத்திய அரிசி என்பதால் அதற்கு தனிச்சிறப்பு உண்டு. இதை உணவாக உட்கொள்ளும்போது மன நிறைவு ஏற்படும். அன்னமே ஆண்டவன் என்கிறது வேதம் (அன்னம் பிரம்மேதி...) பசியாற்றுகிற அரிசியை அலட்சியப்படுத்த கூடாது. ஸ்ரீருத்ரம் முதலானவேத ஸ்லோகங்கள் அடங்கிய சி.டி.க்களை எல்லா நாளிலும் வீட்டில் ஒலிக்க விட்டு கேட்கலாமா? அல்லது விசேஷ நாளில் மட்டுமே கேட்க வேண்டுமா? -என்.காயத்ரி சி.டி.க்கள் மூலம் வேத ஸ்லோகங்களை ஒலிக்க செய்வதிலும் கேட்பதிலும் தர்மசாஸ்திரத்துக்கு உடன்பாடு இல்லை. புனிதமான ஸ்லோகங்கள், நம் வாய்மொழியாக.... வேத கோஷமாக வெளி வர வேண்டும். தேசிய கீதம் இசைக்கப்படும் போது... எந்த வேலையில் ஈடுபட்டிருந்தாலும் அதிலிருந்து விடுபட்டு நம் மனம் தேசிய கீததத்தில் ஒன்றிவிடும். காரணம், உயிரினும் மேலாக தேசிய கீதத்தை நாம் மதிக்கிறோம். அதுபால, எழுதாக கிளவியாகிய வேதத்தின் ஸ்லோகங்களை உச்சரிக்கும்போது எத்தனை எழுத்துக்கள் வெளிபடுகின்றனவோ, அத்தனை முறை பரம்பொருளின் திருநாமத்தை (ஹரி நாமத்தை) சொன்ன பலன் கிடைக்கும் என்கிறது தர்ம சாஸ்திரம். சங்கீத கச்சேரி, கால�க்ஷபம் மற்றும் திரைப்பாடல்கள் முதலானவற்றை டேப் ரெக்கார்டர் அல்லது சி.டி. பிளேயரில் ஒலிக்க விட்டு, அவற்றை கேட்டுக்கொண்டே வேலையில் ஈடுபடுவது உண்டு. ஆனால், வேத ஸ்லோகங்களை கேட்பதில் இந்த அணுகுமுறை கூடாது. வேதம் கற்பதற்கும், வேத ஸ்லோகங்களை உச்சரிப்பதற்கும் கடும் கட்டுப்பாடுகளை வேதமே விதித்திருக்கிறது. இதை கடை சரக்காக மாற்றுவதில் தர்மசாஸ்திரத்துக்கு உடன்பாடில்லை. அதே நேரம்.... தங்களின் ஆதங்கமும் புரிகிறது. வேதம் கற்க இயலவில்லை. வேதம் ஓதுவோரை அழைத்து வேதம் ஓடச் செய்து கேட்கலாம் எனில்... அதற்கு பொருளாதார சூழல் இடம் தரவில்லை. ஆகவே, ஸ்லோகங்களை சி.டி.க்கள் மூலம் கேட்க ஆசைப்படுகிறீர்கள். உங்களின் ஆர்வம். விஞ்ஞானத்தின்உதவியால் வேதம் கேட்கும் வாய்ப்பை பயன்படுத்துவதில் தவறில்லை என்பதாக எண்ணி இப்படி செய்லபடவைக்கிறது. தங்களின் ஆர்வத்தை பொருட்டு, இறைவனின் திருநாமங்கள் அடங்கிய சி.டி.க்களை பயன்படுத்துங்கள். பயன் உண்டு.

தூக்கம் வராதது ஏன்? - உ.அறவாழி

சில சமயங்களில் சிலரின் உயிரியல் கடிகாரம் சரிவர இயங்க முடியாமல் பழுதடைந்து விடுகிறது. அதுபோன்ற சந்தர்ப்பங்களில், அவர்கள் என்னதான் அசதியுடன் படுத்தாலும் உறங்க முடியாமல் போய்விடுகிறது. அப்போது அவர்கள் மனதில் நினைவலைகள் மீண்டும் மீண்டும் எழுந்து அவர்களின் மனக்கண் முன் உலவிக் கொண்டு இருக்கும். அப்படியே அவர்கள் உறங்கினாலும் சீக்கிரமே எழுந்து விடுவார்கள். அல்லது இரவில் ஆழ்ந்த உறக்கமின்றி இடையிடையே நிறையத் தடவைகள் விழித்தெழுந்து படுக்கையில் புரண்டு கொண்டிருப்பார்கள். இதனால் காலையில் எழும்போது மனச்சோர்வுடனும் அசதியுடனும், தூக்கக் கலக்கத்துடனும் காணப்படுவார்கள். இந்நிலையைப் "போதிய உறக்கம் அற்ற நிலை' என்பார்கள்.


பகலில் ஏற்படும் மனஅழுத்தமும், மனக்குழப்பமும், மனக்கலக்கமும் இரவில் உறக்கத்தில் அச்சம் கலந்த கனவுகளாக வெளிப்படும். இவர்களின் இந்த திகில் கனவுகளில் யாரோ துரத்துவது போலவும், தப்பிக்க வழியின்றித் தலைதெறிக்க ஓடுவது போலவும், விபத்து ஏற்படுவது போலவும், மோசமான சிக்கலில் சிக்கி கொள்வது போலவும் காட்சிகள் விரியும். உடல் வியர்வையில் குளித்து, திகிலில் உறைந்து நடுநடுங்கி விழிப்பார்கள்.

பணியிடத்திலோ அல்லது இல்லத்திலோ அதிக மன வேதனையில் மூழ்கியதால், அதிகமாக சிகரெட் குடித்தல், அதிகமாக காப்பி, டீ அருந்துதல், மது மற்றும் போதைப் பொருட்கள் எடுத்துக் கொள்ளுதல் மற்றும் நெடுநேரம் தொலைக்காட்சி பார்த்தல் போன்றவை தூக்கத்தில் பிரச்சனைகளை ஏற்படுத்தும். மேலும் அதிக எடை, தூக்கத்தில் வலிப்பு, பலமான குறட்டை, தூக்கத்தில் விட்டு விட்டு மூச்சுவிடுதல் போன்றவைகளும் உறக்கத்தை கெடுத்துவிடும்.

தூக்கம் வருவது எப்படி?

நாம் படுத்த உடன், உடனே ஆழ்ந்த தூக்கத்திற்குப் போய் விடுவதில்லை. கண்களை மூடியதும், தூக்கம் நம்மை கொஞ்சம் கொஞ்சமாய் தழுவுகிறது. கண்கள் செருகி, தூங்கத் துவங்கியதும், வெளிவிஷயங்கள் தெரிவதில்லை, இதுதான் நமது தூக்கத்தின் முதல்நிலை. இந்நிலையில், மூளையில் "பீட்டா' மின்னலைகள் தோன்றுகின்றன. இதன் வேகம் விநாடிக்கு 14 சைக்கிள்கள்.

மூளை இயங்கும்போது அதிலிருந்து பல்வேறு மின்னலைகள் தோன்றுகின்றன. இதை E.E.G என்ற கருவியின் மூலம் அளக்க முடியும். இக்கருவி மூளையின் செயல் பாட்டை ஒரு விநாடிக்கு இத்தனை சைக்கிள் வேகத்தில் இயங்குகிறது என்று காண்பிக்கும்.


பின்பு, சிறிது நேரத்தில் நாம் சலனமின்றி, ஆழ்ந்த உறக்கத்திற்குப் போய்விடுவோம். இந்நிலையில், கண்ணிமைகள் மூடி இருந்தாலும் நம் விழிகள் பக்கவாட்டில் உருளும்.இவ்வகை உறக்கத்தில்தான் மூளையில் "ஆல்ஃபா' என்ற மின்னலைகள் தோன்றுகின்றன. இதன் வேகம் விநாடிக்கு 7லிருந்த 14 சைக்கிள்கள். இம்மின்னலைகள் நமது உடலின் களைப்பை போக்க உதவுகிறது; உள்ளம் புத்துணர்ச்சி பெற பயன்படுகிறது. ஒருவனை "அறிதுயிலில்' (Hypnotism) ஆழ்த்தும் போது அவன் மூளையில் "ஆல்ஃபா' மின்னலைகள் உற்பத்தியாகின்றன.

அதேபோல் ஒருவன் தியானத்தில் ஈடுபடும் பொழுது அவனது மூளையில் "ஆல்ஃபா' மின்னலைகள் உற்பத்தியாகின்றன. இந்த இரண்டாம் நிலைத் தூக்கத்தில்தான் கனவுகள் ஏற்படுகின்றன.பின் நாம் தூக்கத்தின் மூன்றாம் நிலைக்குச் செல்கிறோம். இந்த மூன்றாம் நிலைத் தூக்கத்திலும் கூட நமது விழிகள் இலேசாக உருளும். இவ்வகை உறக்கத்தின்போது மூளையில் "தீட்டா' மின்னலைகள் தோன்றுகின்றன. இதன் வேகம் விநாடிக்கு 4 முதல் 7 சைக்கிள்கள் வரை. இந்நிலையில் நீங்கள் சற்று ஆழ்ந்து உறங்குவீர்கள்.

இந்த மூன்று நிலைகளைக் கடந்த பின், உறக்கம் மிக மிக ஆழமாக ஏற்படுகிறது. இந்த மிக ஆழ்நிலை உறக்கத்தில்தான் மூளையில் "டெல்ட்டா' என்ற மின்னலைகள் தோன்றுகின்றன. இம்மின்னலையின் வேகம் விநாடிக்கு 1 முதல் 4 சைக்கிள்கள் வரை ஆகும். இம்மின் அலைதான் நமது மூளையை என்றும் இளமையாகச் செயல்பட வைக்கிறது. இந்நிலையைத் தவிர, நமது மூளை உணர்வற்றுவிடுகிற, " உணர்வற்ற நிலை' (COMA) என்ற நிலையும் உள்ளது. இந்நிலையில், நமது மூளையில் எவ்வித மின் அலையும் தோன்று வதில்லை. இந்நிலையில் மூளையின் செயல்பாடு வெறும் சைபர் (Zero) தான்!
நன்றி; மஞ்சரி இதழ் 4-1-09

நீ மட்டும் எப்படி! (சிறுகதை)

பழுத்த அந்த கொய்யா மரத்தை அன்பு அணிலுக்கு
ரொம்ப பிடிக்கும். பழுத்து, தித்திக்கும் அந்த கொய்யா
பழ மரத்தில் அணில் மரக் கிளைகளில் தாவி விளையாடிக்
கொண்டிருந்தது. மிகவும் மகிழ்ச்சியுடன் இருந்தது.

அணில் மரங்களில் கனிந்துள்ள பழங்களைச் சாப்பிட்டது.
பிறகு கிளைகளில் தாவி விளையாடியது. மரத்தினடியில்
நிழலுக்காக ஓநாய் ஒன்று படுத்திருந்தது. அது மேலே
அணிலின் விளையாட்டினை பார்த்துக் கொண்டு இருந்தது.

திடீரென அணில், கிளைக்குத் தாவும் பொழுது, நழுவி
கீழே விழுந்துவிட்டது. ஓநாய் மடியில் விழுந்தது அணில்.
உடனே ஓநாய் அதை பிடித்துக் கொண்டது.
தம்மை விடும்படி அணில் மன்றாடிக் கெஞ்சியது.

ஓநாயும், ""சரி உன்னை விட்டு விடுகிறேன். என்
கேள்விக்கு நீ சரியான பதில் தர வேண்டும்,'' என்றது.

""சரி கேளுங்கள். தெரிந்ததைக் கூறுகிறேன்.''

""உன்னை விட நான் பெரிய ஆள், பலசாலிதானே!''

""ஆமாம் அது தான் உண்மை.''

""இப்படிப்பட்ட பலசாலியிடம் இல்லாத மகிழ்ச்சி, உன்னிடமும்,
உன் இனத்தாரிடம் மட்டுமே காணப்படுகிறதே...

""இதற்கான பதிலை என்னால் கூற முடியும். ஆனால், முதலில்
என்னை விட்டு விடுங்கள். அப்பொழுதுதான் கூறுவேன்,''
என்றதும் அணிலை, விட்டு விட்டது ஓநாய்.

அணில் தப்பித்தோம், பிழைத்தோம் என எண்ணி மரத்தில்
ஏறி ஒரு கிளையில் அமர்ந்து கொண்டு சிரித்தது.

""சரி இப்பொழுது சொல்,'' என்றது ஓநாய்.


""நீங்கள் எப்பொழுதும் யாரை கொல்லலாம் என்ற
எண்ணத்துடனே இருக்கிறீர்கள். இதனால் உங்கள்
எண்ணங்களே உங்களை வதைக்கிறது. அது உங்களை
மகிழ்ச்சியாக இருக்க விடாது.''

""நாங்கள் அப்படி அல்ல, நல்ல சிந்தனையுடன் வாழ்கிறோம்.
அதனால் எப்பொழுதும் மகிழ்ச்சியுடன் இருக்கிறோம்.
இதுதான் மறுக்க முடியாத உண்மை ஆகும்,'' என
அணில் கூறி மகிழ்ச்சியுடன் தாவிக் குதித்து ஓடியது.


நீதி : எப்பொழுதும் நல்லதையே நினைப்பவர்கள்
ஆரோக்கியமாகவும், மகிழ்ச்சியுடனும் வாழ்கின்றனர்.
பிறருக்குத் தீங்கு செய்யும் புத்திக் கொண்டவர்கள்
மகிழ்ச்சியாக வாழ முடியாது குட்டீஸ்.
**********************************************************
நன்றி; தினமலர்(சிறுவர்மலர்)

நீ மட்டும் எப்படி! (சிறுகதை)

ஆறு அழகிகள் ! - Kannabiran Ravi Shankar

என்னைக் கவர்ந்த ஆறு அழகிகள் (அழகுகள்) இதோ!
இவர்கள் அறுவரும் தமிழ் அழகிகள்,
அல்லது தமிழ் சார்ந்த அழகிகள் என்பது கூடுதல் சிறப்பு!!

1.
சில பேருக்கு இளமையில் அழகு! சில பேருக்கு வயசானா அழகு! அதுவும் வயசு ஆக ஆக, இன்னும் அழகு ஜொலிக்கும்!
அழகுடன், முகத்தில் ஒரு ஐசுவரியம் மின்னும்!
அந்த அழகுடன் பணிவும் சேர்ந்து கொண்டால்?
தமிழிசையை வளர்க்க்கும் ஆவலும் முயற்சியும் சேர்ந்து கொண்டால்?
படோபடம் இல்லாமல், அலட்டல் இல்லாமல், நகைக் கடையே மேனியில் மின்னாமல்,
“விநயம்” என்ற ஒற்றைச் சொல் இவர்களுக்கு அழகு சேர்க்கிறது என்று சொல்லலாம் அல்லவா?

பணிவே அழகு! – எம்.எஸ்.சுப்புலட்சுமி

2. நாட்டியம் அழகு தான், எப்போதும்!
நடை அலங்காரமும் அழகு சிங்காரமும் கண்டு ஆடாத மனமும் உண்டோ?
ஆனால் அந்த நடனத்தை வளர்க்க, அதுவும் நடனக் கலைஞர்களை மரியாதையுடன் சமூகம் நடத்த ஒருவர் வழி வகுத்தார் என்றால்?
சென்னையில் கலா ஷேத்ரா என்ற அமைப்பு நிறுவி, மெய்யாலுமே கலைப்பணி செய்வது அழகு தானே!
போதாது என்று சுதந்திரப் போரில், அவர் கணவருக்கும் உதவியாய் இருப்பதும் அழகு தானே!
நாட்டின் குடியரசுத் தலைவர் ஆகுங்களேன் என்று பிரதமர் மொரார்ஜி கேட்க, அதை அவர் மறுத்து விட்டாரே! – அம்மா, இது உங்களுக்கே அழகா?

நடனம் அழகு! – ருக்மிணி தேவி அருண்டேல்

3.
உலகில் ஒரு தமிழ்ப் பெண்மணி, ஹில்லாரி கிளண்டனை விடச் சக்தி வாய்ந்தவர் என்று பட்டியல் இடப்பட்டால்?
உலகிலேயே சக்தி வாய்ந்த பெண்மணிகளில் நாலாவது இடம் தரப்பட்டால்?
அமெரிக்க அரசைப் பற்றி இவர் பேசிய பேச்சு நடுவிரல் சர்ச்சை (Middle finger Controversy) என்று ஆனது. தேசத்தை வெள்ளையர்கள் ஆண்ட காலம் போய், பல வெள்ளையர்களை ஒரு தேசிப் பெண்மணி ஆளுகிறார் என்பது மிடுக்கு அல்லவா?
சென்னையில் பிறந்த 57 வயது அழகு என்று சொல்லலாமா?

மிடுக்கு அழகு! – இந்திரா நூயி

4.
ராமோன் மேக்சாசே விருது ஒரு தமிழ்ப் பெண்மணிக்கு – அதுவும் நற்பணிக்கு!
சென்னையில் பிறந்து, IAS-இல் கொடி கட்டிப் பறந்து, பின்னர் சமூகப் பணிக்காக அதை ராஜினாமா செய்தால், அது அழகாகுமா?
Social Work and Research Center என்ற நிறுவனத்தில் அவர் கணவருடன் சேர்ந்து,
இந்தியக் கிராமங்களில், குறிப்பாக பெண்ணடிமை அதிகம் காணப்பட்ட ராஜஸ்தான் மாநிலத்துக்குக் குடி பெயர்ந்து, பணிகள் செய்வதற்கு என்ன பெயர்?

காதல் ஒருவனைக் கைப்பிடித்து, அவன் காரியம் யாவினும் கைகொடுத்தது பெண்ணுரிமைக்கு அழகா?
அண்மையில் வந்த தகவல் அறியும் உரிமை (Right to information) சட்டம், இவர் மூலமாக ராஜஸ்தானத்தில் வெற்றி பெற்று, பின்னரே தேசிய அளவில் பரவியது அல்லவா?

நற்பணி அழகு! – அருணா ராய்

5.
பால் வடியும் பால முகம் என்பார்கள்; ஆனால் ஒரு பாலனுக்குச் சொன்னதை, தாய்க்கும் சொல்ல முடியுமா? சொல்ல முடியும்!
முகம் பொழி கருணை போற்றி என்று முருகனைப் பற்றி வரும்.
அது அன்னை வேளாங்கண்ணிக்கும் மிகவும் பொருந்தும்! புன்னகை சற்றே தான் இழையோடும்!
மோனாலிசா புன்னகை பற்றிச் சொல்பவர்கள், இந்தப் புன்னகையைப் பார்க்கவில்லையோ என்று கூட சில சமயம் எண்ணுவேன்!
நோய்கள் தீர்க்கும் தாயின் கருணையும் ஒரு அழகு தானே!

கருணையே அழகு! – அன்னை வேளாங்கண்ணி

6.
Last but not the least என்பார்கள். தமிழில் எப்படிச் சொல்லலாம்?
ஆங்…இறுதியாக,ஆனால் உறுதியாகச் சொல்வது, யாரை என்றால்….
செந்தமிழ்ச் செல்வி, நம்ம தீஞ்சுவைக் கோதை.
தமிழைத் தான் மட்டும் பாடியது அன்றி, ஊரையே பாட வைத்தது அழகு தானே!

இவள் சூடிக் களைந்ததைத் தான் இறைவனே விரும்புகிறான் என்றால், – இவள் அக அழகு தான் என்ன!!
எல்லோரையும் மயக்குபவன் மால் என்றால், அந்த மாலையே மயக்கும் கோதை – இவள் புற அழகு தான் என்ன!!

தொங்கல் மாலை, முத்து மகுடம், பச்சைக் கிளி, இச்சை மொழி எல்லாமே அழகு தானே!
படத்தைப் பார்க்காமல், கண்களை இறுக்க மூடிக் கொள்ளுங்கள்!
ஆண்டாள் என்று வாய்விட்டுச் சொல்லிப் பாருங்கள்!
அப்போதும் அந்த அழகு தெரியும்! அழகுத் தமிழ் புரியும்!!

ஆண்டாள் – தமிழை ஆண்டாள்!
அழகே அழகு! – ஆண்டாள் அழகு!!

source:

http://madhavipanthal.wordpress.com/2007/04/15/