இனிப்பு கோதுமை அடை

இனிப்பு கோதுமை அடை

தேவையான பொருட்கள்:


கோதுமை மாவு: கால் கிலோ
பால்: 100 மில்லி
தேங்காய்: அரை மூடி
எண்ணெய்: 100 கிராம் ரவை: 50 கிராம்
சர்க்கரை: 150 கிராம்


செய்முறை:

முதலில் தேங்காயைத் துருவி எடுத்துக் கொள்ள வேண்டும். பிறகு அடுப்பில் பாலை காய்ச்ச வேண்டும். அதன் பின்பு பால், சர்க்கரை, ரவை, தேங்காய் துருவல் ஆகியவற்றை மாவில் போட்டு நன்றாக பிசைய வேண்டும்.

பின்பு தோசை கல்லை வைத்து எண்ணெய் ஊற்றி நன்றாக காய்ந்ததும் மாவை போட்டு அடையாகத் தட்ட வேண்டும். அதை சுற்றி எண்ணெயை விட வேண்டும். வெந்ததும் திருப்பிபோட்டு எடுத்தால் இனிப்பு அடை சாப்பிடத் தயார்.

____________________________

source: http://www.keetru.com/recipes/veg/sweet_wheat_adai.php

ஒரு எகிப்திய ரெசிபி!

தேவையானவை;
கொண்டைக் கடலை -2 கப்,
உப்பு - தேவையான அளவு,
இஞ்சி பூண்டு விழுது - 2 மேஷைக்கரண்டி,
கொத்துமல்லி - அரை கட்டு,
பச்சை மிளகாய் -3 மிகப் பொடியாக நறுக்கியது.

கொண்டைக்கடலையை அரை மணி நேரம் ஊறவைத்து, கரகரப்பாக அரைத்துக் கொள்ளவும். இத்தோடு மற்ற சாமான்கள் அனைத்தையும் கலந்து வடை மாதிரி தட்டிப் பொரித்துக் கொண்டு, மெல்லிய பூல்கா சப்பாத்தியுடன் வைத்து, சாஸ், வெங்காயம், சீஸ் நறுக்கிய கோஸ் முதலியவைகளை வைத்து ஒரு கோன் மாதிரி சுற்றிப் பரிமாறவும்.

நன்றி ;சினேகிதி இதழில் மெனு ராணி